Локалните младински совети се предвидени со Законот за младинско учество и младински политики, и претставуваат механизми за младинско учество на локално ниво, имајќи советодавна и застапувачка улога во процесите одлучување и креирање политики. Во насока на јакнење на нивната функционалност, проектот „Младинско учество за силен и одржлив развој на заедницата” започна процес на јакнење на капацитетите на членовите на локалните младински совети и локални собранија за млади од повеќе општини.

Во рамките на проектот „Младинско учество за силен и одржлив развој на заедницата” се спроведе процес на јакнење на капацитетите на Службеници за млади од следните 14 општини: Гази Баба, Кисела Вода, Шуто Оризари, Карпош, Битола, Гостивар, Теарце, Охрид, Зрновци, Кочани, Могила, Неготино, Крушево и Прилеп.

Коалиција на младински организации СЕГА потпиша Меморандум за соработка со општина Кисела Вода, во рамки на проектот „Младинско учество за силен и одржлив развој на заедницата“, поддржан од Европска Унија.

„Водејќи се од нашата примарна и најважна задача како локална самоуправа, а тоа е унапредување на квалитетот на услугите за граѓаните, ги користиме сите методи за да ги имплементираме барањата и да одговориме на потребите на сите категории на лица, вклучително и на младите. Како градоначалник, сметам дека е доста полезна вклученоста на младите лица во активностите на Општина Кисела Вода, како што се изготвувањето на Програмите за работа, креирањето на буџетите кои секоја општина ги има определено за активностите на младите, како и за сите прашања кои нив ги засегаат. Давањето на глас на младите лица не само што е наша законска обврска, туку ни овозможува преку имплементирање на нивните идеи да носиме  одлуки кои ќе бидат комплетни и во целост ќе одговорат на потребите на засегнатите страни. Денес потпишаниот Меморандум со Коалицијата на младински организации СЕГА, ќе ни помогне во тие заложби, посебно што веќе со одлука но Советот на Општина Кисела Вода ни е оформен локалниот младински совет кој ќе им советодавна улога и во целост ќе им даде глас на младите лица од овој дел на градот Скопје“ – изјави градоначалникот Орце Ѓорѓиевски на средбата.

Во рамки на соработката, Коалиција СЕГА обезбедува поддршка за подготовка на Локална Стратегија за млади на општина Кисела Вода, во согласност со Законот за младинско учество и младински политики. СЕГА исто така, ќе придонесе кон ефективно функционирање и јакнење на капацитети на Локалниот Младински Совет во Општина Кисела Вода како функционален модел за младинско учество во локалната заедница.

„Општина Кисела Вода е четвртата општина која што покажа грижа за младите, применувајќи ги одредбите кои произлегуваат од Законот за младинско учество и младински политики. Општината ќе започне процес на креирање на локална стратегија за млади која ќе придонесе кон подобрување на општата благосостојба и квалитет на животот на младите во заедницата. Во оваа прилика сакаме да ги потсетиме сите Градоначалници дека нивна должност е да пристапат кон креирање на стратегии за млади како и воспоставување на локални младински совети со цел да овозможат поголемо учество на младите во локалната заедница“, изјави Зоран Илиески, Извршен директор на Коалиција на младински организации СЕГА.

Проектот „Младинско учество за силен и одржлив развој на заедницата“ е финансиран од Европската Унија и се спроведува од страна на Коалиција на младински организации СЕГА во партнерство со СОС Детско Село, Волонтерски Центар Скопје и Женски Форум Тетово.

Проектот „Младинско учество за силен и одржлив развој на заедницата“ поддржан од ЕУ, објавува јавен повик за надворешни соработници.

Јавниот повик е во насока на јакнење на капацитетите на локалните младински совети како и службениците за млади во рамките на Општините.

Јавниот повик за надворешни соработници вклучува 3 (три) ЛОТ-ови:

ЛОТ 1: ИСПОРАКА НА ОБУКА ЗА СЛУЖБЕНИЦИ ЗА МЛАДИ

1. Младинско учество и младинска политика – улога на службениците за млади на локално ниво
2. Родова перспектива во процеси на креирање младински политики

ЛОТ 2: ИСПОРАКА НА ОБУКА И МЕНТОРСТВО ЗА ЛОКАЛНИ МЛАДИНСКИ СОВЕТИ

1. Застапување и лобирање
2. Анализа на јавни политики
3. Финансиска писменост и јавни финансии на локално ниво
4. Родова еднаквост
5. Превенција и справување со кибер-насилство помеѓу младите

ЛОТ 3: ПОДГОТОВКА НА ЕДУКАТИВНИ МАТЕРИЈАЛИ ЗА ИНТЕРАКТИВНА ПЛАТФОРМА

1. Младинско учество,
2. Младинска политика
3. Младинска работа

ДОПОЛНУВАЊЕ:

Рокот за пријавување на јавниот повик е продолжен до 18 октомври 2022 година.

Целосниот повик може да го преземете ТУКА.

Денес, Коалиција на младински организации СЕГА потпиша Меморандум за соработка со Општина Карпош, во рамките на проектот „Младинско учество за силен и одржлив развој на заедницата“.

Соработката предвидува Коалиција СЕГА да фасилитира процес за подготовка на Локална Стратегија за млади на општина Карпош во согласност со Законот за младинско учество и младински политики. Исто така, во периодот што следи, СЕГА ќе ги зајакне капацитетите на Локалниот Младински Совет во Општина Карпош како функционален модел за младинско учество во локалната заедница.

Проектот „Младинско учество за силен и одржлив развој на заедницата“ е финансиран од Европската Унија и се спроведува од страна на Коалиција на младински организации СЕГА во партнерство со СОС Детско Село, Волонтерски Центар Скопје и Женски Форум Тетово.

Во рамките на проектот „Младинско учество за силен и одржлив развој во заедницата“ поддржан од ЕУ, Коалиција СЕГА започна процес на креирање на локални стратегии за млади во согласност со Законот за младинско учество и младински политики. Проектот ќе поддржи фасилитација на процес за креирање на стратегии за млади во Општините Општините Битола, Гостивар, Кисела Вода и Карпош. Овој процес ќе примени успешни практики и развивање на процес врз база на докази.

Во изминатиот период беше развиена методологија која вклучува алатки за локално истражување на младински трендови како и методологија за фасилитација на целокупниот процес. Методологијата е во согласност со приоритетите на новата Национална стратегија за млади која е во процес на подготовка, во согласност со Законот за младинско учество и младинска политика.

Граѓанскиот сектор заедно со младите, како и членовите на локалните младински совети, ќе го водат процесот на локално ниво со широка вклученост и партиципативност. За таа цел, во периодот 12 – 14 септември 2022 година, во хотел Дрим во Струга се одржа обука за креирање на локални стратегии за млади на која учествуваа претставници на вклучените Општини како и локалните фасилитатори на процесот за сите 4 општини.

Во наредниот период ќе следи истражување и формирање на работни групи на локално ниво за изработка на локалните стратегии за млади. Се очекува стратегиите во сите 4 општини да бидат финализирани и усовени до крајот на 2022 година.

На 07 септември во Хотел Холидеј Ин, Скопје, се одржа Обука за Финансиско Управување со грантови за грантистите на СЕГА.

Обуката вклучуваше детални насоки за соодветно административно и финансиско работење на проектите, преглед на документација за известување, како и насоки за видливост во проектите.

На обуката присуствуваа одговорните лица за финансиско работење во проектите како и координаторите на проектите од грантистите на СЕГА.

Коалицијата на младински организации СЕГА, во рамките на проектот „Младинско учество за силен и одржлив развој на заедницата″ поддржан од Европската Унија, додели 6 грантови на граѓански организации од Република Северна Македонија.

На 30 август 2022 година се одржа Официјална Церемонија за потпишување на Договори за Грант со граѓански организации.

Грантови беа доделени на следните 6 граѓански организации:

1. Центар за младински активизам ЦМА КРИК – Скопје
2. Евротинк – Центар за европски стратегии Скопје
3. Младински културен центар – Битола
4. Здружение Асоцијација за демократска иницијатива – Гостивар
5. Здружение Организација на жените на општина Свети Николе
6. Здружение Регионален центар за застапување – Делчево

Доделените грантови, во висина до 15.000 евра по грант, ќе се реализираат во наредните 12 месеци, и ќе делуваат кон јакнење на влијанието на граѓанските организации кои работат со млади во процесите на креирање политики и донесување на одлуки, посебно на локално ниво.
Во рамки на Јавниот Повик за Доделување Грантови беа пристигнати 71 апликации од кои 52 организации ја поминаа административна проверка како и проверка за подобност и беа бодувани од Комисија за евалуација на предлог проекти.

Програмата за доделување на грантови е во рамките на Проектот „Младинско учество за силен и одржлив развој на заедницата″, кој се спроведува од страна на Коалиција на младински организации СЕГА како водечки партнер, во партнерство со Женски Форум Тетово, СОС Детско Село и Волонтерски Центар Скопје. Овој проект е финансиран од Европската Унија, во рамките на ИПА програмата за поддршка на мрежи и платформи на граѓански организации во Република Северна Македонија, со референтен број EuropeAid/167061/DD/ACT/MK.