Најнови вести и настани – Страница 4

јуни 2, 2022јуни 2, 2022

Јавен повик за учество на Обука за дигитална писменост за онлајн активизам

Во рамки на проектот „Младинско учество за силен и одржлив развој на заедницата“ поддржан од ЕУ, се објавува

ЈАВЕН ПОВИК ЗА УЧЕСТВО НА ОБУКА ЗА ДИГИТАЛНА ПИСМЕНОСТ ЗА ОНЛАЈН АКТИВИЗАМ.

Обуката за ДИГИТАЛНА ПИСМЕНОСТ ЗА ОНЛАЈН АКТИВИЗАМ е дел од Програмата на јакнење капацитети за организациски и програмски развој вклучувајќи и менторска поддршка од релевантни експерти на различни теми.

Целта на обуката е да се зајакнат капацитетите на граѓанските организации кои работат со и за млади да обезбедат ги подобрат своите компетенции за онлајн безбедност, примена на онлајн дигитални платформи за организирање настани, онлајн застапување и учество како и платформи за визуелизација, нови трендови во подготовка на содржини за социјални медиуми и веб страни.

Период на одржување на обуката: 15 – 17 јуни 2022

Локација за одржување на обуката: Хотел „Дрим“, Струга

Работниот јазик за време на обуката ќе биде македонски.

Организаторот ги покрива сите трошоци за обуката, поврзани со сместување, патување и работни материјали.

На повикот можат да се пријават членови на граѓански организации кои се регистрирани и дејствуваат според Законот за здруженија и фондации. Апликантите мора да бидат на возраст од најмалку 18 години. Предност ќе имаат пријавените членови на организации кои работат со и за млади на локално, регионално и национално ниво.

Рок и начин на пријавување
Крајниот рок за пријавување на обуката за дигитална писменост за онлајн активизам е 10 јуни 2022 година, на следниот линк за регистрација: https://forms.gle/hz5KZVnxXnpo43Lr8

За подетални информации околу овој повик може да не контактирате на е-маил адресите: [email protected].

Селекција на учесници
За оваа обука ќе се селектираат 16 претставници од граѓански организации. Селектираните учесници ќе бидат контактирани и информирани за сите детали во врска со обуката на 13 јуни 2022 година.

мај 16, 2022

Јавен повик за учество на Обука за превенција и справување со кибер насилство

ЈАВЕН ПОВИК ЗА УЧЕСТВО НА ОБУКА ЗА ПРЕВЕНЦИЈА И СПРАВУВАЊЕ СО КИБЕР НАСИЛСТВО.

Обуката за ПРЕВЕНЦИЈА И СПРАВУВАЊЕ СО КИБЕР НАСИЛСТВО е дел од Програмата на јакнење капацитети за организациски и програмски развој вклучувајќи и менторска поддршка од релевантни експерти на различни теми.

Целта на обуката е да се зајакнат капацитетите на граѓанските организации кои работат со деца и млади да обезбедат поддршка за превенција и заштита од кибер насилство, вклучувајќи теми како што се основи и видови на кибер насилство, мапирање на потреби и стравови, позитивна комуникација на интернет, безбедност на интернет и процедури за справување со кибер насилство.

Период на одржување на обуката: 25 – 27 мај 2022

Локација за одржување на обуката: Хотел „Дрим“, Струга
(со физичко присуство, во согласност со актуелните протоколи на Владата на РСМ за организирање настани).

Работниот јазик за време на обуката ќе биде македонски.

Организаторот ги покрива сите трошоци за обуката, поврзани со сместување, патување и работни материјали.

Рок и начин на пријавување
Крајниот рок за пријавување на обуката за управување со волонтери е 19 мај 2022 година, на следниот линк за регистрација: https://forms.gle/trmkFPDeM9UjY4QB8

За подетални информации околу овој повик може да не контактирате на е-маил адресите: [email protected], [email protected]

мај 9, 2022мај 9, 2022

Поднесени 71 апликации на Повикот за доделување грантови

Во рамки на Јавниот Повик за Доделување Грантови пристигнати се 71 апликации. Апликациите се во процес на административна проверка како и проверка за подобност. Оние апликации кои ќе ја поминат техничко – административната проверка, ќе продолжат понатаму во процесот на евалуација. Во рамки на овој повик ќе се доделат минимум 6 грантови во насока на зајакнато влијание на граѓанските организации кои работат со млади во процесите на креирање политики и донесување на одлуки, посебно на локално ниво.

Повикот за Доделување Грантови беше објавен на 29 март 2022 година, а заинтересираните граѓански организации имаа можност да аплицираат најдоцна до 29 април 2022 година. Се очекува добитниците да бидат познати во текот на месец јуни, по што сите пријавени организации ќе бидат известени, а со добитниците ќе бидат склучени договори.

Овој Повик за доделување грантови е во рамките на Проектот „Младинско учество за силен и одржлив развој на заедницата″, кој се спроведува од страна на Коалиција на младински организации СЕГА како водечки партнер, во партнерство со Женски Форум Тетово, СОС Детско Село и Волонтерски Центар Скопје. Овој проект е финансиран од Европската Унија, во рамките на ИПА програмата за поддршка на мрежи и платформи на граѓански организации во Република Северна Македонија, со референтен број EuropeAid/167061/DD/ACT/MK.

мај 5, 2022мај 5, 2022

Јавен повик за учество на Обука за управување со волонтери

ЈАВЕН ПОВИК ЗА УЧЕСТВО НА ОБУКА ЗА УПРАВУВАЊЕ СО ВОЛОНТЕРИ.

Обуката за УПРАВУВАЊЕ СО ВОЛОНТЕРИ е дел од Програмата на јакнење капацитети за организациски и програмски развој вклучувајќи и менторска поддршка од релевантни експерти на различни теми.

Целта на обуката е да се зајакнат вештините на граѓанските организации за управување со волонтери, вклучувајќи теми како што се основи на концепт на волонтерство, меѓународни практики, регрутација на волонтери, развивање програма за волонтирање за секој волонтер, следење и евалуација на волонтерскиот процес и администрација на волонтерските процеси.

Период на одржување на обуката: 18 – 20 мај 2022

Работниот јазик за време на обуката ќе биде македонски.

Организаторот ги покрива сите трошоци за обуката, поврзани со сместување, патување и работни материјали.

Рок и начин на пријавување
Крајниот рок за пријавување на обуката за управување со волонтери е 12 мај 2022 година, на следниот линк за регистрација: https://forms.gle/hR3WHysG5qVRRqDc6

За подетални информации околу овој повик може да не контактирате на е-маил адресите: [email protected], [email protected], или на телефон: 070 777 519.

април 28, 2022април 28, 2022

Потпишан Меморандум за соработка со Општина Гостивар

Коалиција на младински организации СЕГА потпиша Меморандум за соработка со Општина Гостивар, во рамките на проектот „Младинско учество за силен и одржлив развој на заедницата“.

Во рамките на соработката, СЕГА ќе фасилитира процес за подготовка на Локална Стратегија за млади во согласност со Законот за младинско учество и младински политики. Исто така, проектот ќе ги зајакне капацитетите на Локалниот Младински Совет во Општина Гостивар како функционален модел за младинско учество во локалната заедница.

Проектот „Младинско учество за силен и одржлив развој на заедницата“ е финансиран од Европската Унија и се спроведува од страна на Коалиција на младински организации СЕГА во партнерство со СОС Детско Село, Волонтерски Центар Скопје и Женски Форум Тетово.

април 7, 2022април 8, 2022

Јавен повик за учество на обука за процес на пристапување во ЕУ – секторски стандарди

ЈАВЕН ПОВИК ЗА УЧЕСТВО НА ОБУКА ЗА ПРОЦЕС НА ПРИСТАПУВАЊЕ ВО ЕУ – СЕКТОРСКИ СТАНДАРДИ.

Обуката за ПРОЦЕС НА ПРИСТАПУВАЊЕ ВО ЕУ – СЕКТОРСКИ СТАНДАРДИ е дел од Програмата на јакнење капацитети за организациски и програмски развој вклучувајќи и менторска поддршка од релевантни експерти на различни теми.

Целта на обуката е да се зајакнат знаењата на граѓанските организации за достапните инструменти на ЕУ во фазата на пристапување, фундаментални (секторски) политики на ЕУ, актуелна состојба со резултатите од процесот на пристапување во специфични Поглавја релевантни за граѓанскиот сектор како и идните чекори во процесот на пристапување.

Период на одржување на обуката: 19 – 21 април 2022

Локација за одржување на обуката: Хотел „Дрим“, Струга
(со физичко присуство, во согласност со протоколите на Владата на РСМ за организирање настани).

Работниот јазик за време на обуката ќе биде македонски.

Организаторот ги покрива сите трошоци за обуката, поврзани со сместување, патување и работни материјали.

На повикот можат да се пријават членови на граѓански организации кои се регистрирани и дејствуваат според Законот за здруженија и фондации. Предност ќе имаат пријавените членови на организации кои работат со и за млади на локално, регионално и национално ниво.

Рок и начин на пријавување
Крајниот рок за пријавување на обуката е 14 април 2022 година, на следниот линк за регистрација: https://forms.gle/e95mmWJafH4y1hJN8

За подетални информации околу овој повик може да не контактирате на е-маил адресите: [email protected], или на телефон: 078 470 400.

Селекција на учесници
Селектираните учесници ќе бидат контактирани и информирани за сите детали во врска со обуката на 15 април 2022 година.

март 29, 2022април 20, 2022

Повик за доделување грантови

Коалиција на младински организации СЕГА објавува Повик за доделување грантови, во рамките на проектот „Младинско учество за силен и одржлив развој на заедницата″, поддржан од Европската Унија. Целта на проектот е да го подобри квалитетот на имплементацијата на младинската политика заснована на структурна соработка и суштинско учество на вмреженото граѓанско општество.

Целта на овој повик е Зајакнато влијание на граѓанските организации кои работат со млади во процесите на креирање политики и донесување на одлуки, посебно на локално ниво.

Апликанти може да бидат граѓански организации кои работат со млади лица, активни на територијата на Р.С. Македонија и регистрирани согласно Законот за здруженија и фондации (ЗЗФ). Апликантите треба да се регистрирани најмалку една година пред објавата на повикот.

Висината на бараниот грант мора да биде помеѓу 13.500 – 15.000 Евра.

Повеќе детали за повикот се достапни во Упатство за апликанти.

Апликацијата за овој повик треба да ги содржи уредно пополнети следните документи:

Образец за апликација (Прилог 1)
Образец за буџет (Прилог 2)
Образец за Логичка рамка (Прилог 3)
Образец за Извршно резиме на англиски јазик (Прилог 4)
Изјава на апликантот (Прилог 5)
Тековна состојба на апликантот од Централен регистар не постара од 6 месеци

Рокот за поднесување на апликации е 29 април 2022 г. до 23:59 часот.

Проектот „Младинско учество за силен и одржлив развој на заедницата″ се спроведува од страна на Коалиција на младински организации СЕГА како водечки партнер, во партнерство со Женски Форум Тетово, СОС Детско Село и Волонтерски Центар Скопје. Овој проект е финансиран од Европската Унија, во рамките на ИПА програмата за поддршка на мрежи и платформи на граѓански организации во Република Северна Македонија, со референтен број EuropeAid/167061/DD/ACT/MK.

За повикот се одржа информативна сесија која што можете да ја погледнете на овој линк.

Прашања и одговори

март 28, 2022март 28, 2022

Јавен повик за учество на обука за родови политики

ЈАВЕН ПОВИК ЗА УЧЕСТВО НА ОБУКА ЗА РОДОВИ ПОЛИТИКИ.

Обуката за РОДОВИ ПОЛИТИКИ е дел од Програмата на јакнење капацитети за организациски и програмски развој вклучувајќи и менторска поддршка од релевантни експерти на различни теми.

Целта на обуката е да се зајакнат вештините на граѓанските организации за вградување на родовата еднаквост во организациското и програмското работење. Обуката ќе се фокусира на основите на концептот на родова еднаквост, меѓународни стандарди, родовата застапеност во законската рамка во земјата, родова перспектива во процедури на граѓанските организации.

Период на одржување на обуката: 06 – 08 април 2022

Локација за одржување на обуката: Хотел „Дрим“, Струга

(со физичко присуство, во согласност со протоколите на Владата на РСМ за организирање настани).

Работниот јазик за време на обуката ќе биде македонски.

Организаторот ги покрива сите трошоци за обуката, поврзани со сместување, патување и работни материјали.

Рок и начин на пријавување

Крајниот рок за пријавување на обуката за Родови политики е 01 април 2022 година, на следниот линк за регистрација: https://forms.gle/LGZ33qrhAUgwVWM9A

За подетални информации околу овој повик може да не контактирате на е-маил адресите: [email protected], [email protected], или на телефон: 075 453 595.

Селекција на учесници

За оваа обука ќе се селектираат 16 претставници од граѓански организации. Селектираните учесници ќе бидат контактирани и информирани за сите детали во врска со обуката на 04 април 2022 година.

За проектот

Главната идеја на Проектот „Младинско учество за силен и одржлив развој на заедницата“ е да придонесе кон независно и одржливо граѓанско општество поддржано од погодна средина која поттикнува партиципативни и родово-сензитивни процеси на креирање младински политики.

Проектот се спроведува од страна на Коалиција на младински организации СЕГА (СЕГА) како водечки партнер, во партнерство со Женски Форум Тетово (ЖФ Тетово), СОС Детско Село Северна Македонија (СОС ДС) и Волонтерски Центар Скопје (ВЦС), во период од јануари 2021 – април 2024 година.

Целта на проектот е да го подобри квалитетот на имплементацијата на младинската политика заснована на структурна соработка и суштинско учество на вмреженото граѓанско општество. За да се постигне целта, проектот:

Ќе ги зајакне капацитетите на граѓанските организации за независно и ефективно влијание врз донесувачите на одлуки поврзани со младински прашања врз основа на докази и преку локално вмрежување
Ќе ги подобри граѓанските компетенции на младите мажи и жени за суштинско учество во секојдневниот живот на демократската заедница користејќи иновативни модели преку родово сензитивни и мировни пристапи
Ќе ги оспособи јавните институции да развиваат и спроведуваат информирани и квалитетни јавни политики поврзани со младите засновани на еднакви можности преку одржливо партнерство со локалното граѓанско општество.

февруари 7, 2022март 16, 2022

Јавен повик за надворешни соработници

Проектот „Младинско учество за силен и одржлив развој на заедницата“ поддржан од ЕУ, објавува јавен повик за надворешни соработници.

Јавниот повик е во насока на јакнење на капацитетите на граѓанските организации кои работат со и за млади, каде се предвидени сет на активности кои ќе ги зајакнат нивните организациски и програмски капацитети.

Јавниот повик за надворешни соработници вклучува 2 (два) ЛОТ-ови:

ЛОТ 1: ИСПОРАКА НА ОБУКА И МЕНТОРСТВО

Истражување и застапување на јавни политики
Дигитална писменост за онлајн активизам
Процес на пристапување во ЕУ – секторски стандарди
Родови политики
Управување со волонтери
Превенција и справување со кибер-насилство

ЛОТ 2: ПОДГОТОВКА НА ПРИРАЧНИЦИ

Прирачник за управување со волонтери во граѓански организации
Прирачник за справување со кибер – насилство
Прирачник за службеници за млади

Целосниот повик може да го преземете ТУКА.

декември 22, 2021март 15, 2022

Промотивен настан за презентација на истражување за младински трендови

На 21 декември 2021 година, преку онлајн настан беше одржан Промотивен настан на кој беше презентирана Почетната Студија за младински трендови во рамките на проектот „Младинско учество за силен и одржлив развој на заедницата“, финансиран од Европската унија.

На настанот учестуваа млади лица, претставници на граѓански организации и меѓународни организации, службеници за млади и претставници на локалните младите совети.

Настанот го отворија Зоран Илиески, Тим лидер на проектот и Ирена Иванова, Програмски менаџер при Делегацијата на Европската унија. „Се наоѓаме во период од фазата на спроведување на законот за младинско учество и младински политики, сметаме дека проектот значително ќе придонесе кон негово спроведување особено во делот на воспоставување на посистематска соработка со граѓанското општество кон суштинско младинско учество. Со проектот директно ќе ја поддржиме работата на локалните службеници за млади, ќе дадеме придонес во развојот на волонтерството и ќе им помогнеме на општините во развојот на локалните политики за млади, промовирајќи ненасилна комуникација и родова еднаквост“, изјави Зоран Илиески, Тим Лидер на проектот и Извршен директор на Коалицијата на младински организации СЕГА.

„Квалитетот на живот и перцепцијата на младите за иднината во нашата држава не е на завидно ниво и младите сметаат дека платите се ниски, а цената на производите расте и тоа ја отежнува ситуацијата да имаат стандард на живот како што посакуваат. Слободното време на младите луѓе се сведува на посета на кафулиња и гледање ТВ, што ни од далеку не е доволно за добар квалитет на живеење. Младите сметаат дека најдобар начин и мотивација за да се вклучат во донесувањето одлуки на локално ниво е преку граѓанските организации, што е одлична можност за вклучување имајќи предвид дека најголем дел граѓанските организации вклучени во ова истражување делуваат на учество на младите во јавниот живот“, изјави Софија Георгиевска, главниот истражувач за Почетната Студија за младински трендови.

Може да го погледнете настанот на следниот линк.

Проектот „Младинско учество за силен и одржлив развој на заедницата“ е финансиран од Европската унија и спроведуван од страна на Коалицијата на младински организации СЕГА како главен имплементатор заедно со партнерите СОС Детско Село Северна Македонија, Волонтерски Центар и Асоцијација Женски Форум Тетово. Проектот има за цел да гo подобри квалитетот на имплементацијата на младинската политика заснована на структурна соработка и суштинско учество на вмреженото граѓанско општество со што ќе придонесе кон независно и одржливо граѓанско општество поддржано од погодна средина која поттикнува партиципативни и родово-сензитивни процеси на креирање младински политики. Периодот на имплементација е јануари 2021 година – април 2024 година.

Blog